कोपरी सिध्दीविनायक चौकातील काम निकृष्ट दर्जाचे झाल्याच्या तक्रारी नागरिकांकडून प्राप्त झाल्यामुळे पालिका आयुक्त अभिजीत बांगर यांनी अचानक भेट देऊन कामाची पाहणी केली.
तीन नायजेरीयन व्यक्तींना साडे सत्तावीस लाखाहून अधिक किंमतीच्या अंमली पदार्थांसह जेरबंद करण्यात ठाणे गुन्हे शाखेला यश
तीन नायजेरीयन व्यक्तींना साडे सत्तावीस लाखाहून अधिक किंमतीच्या अंमली पदार्थांसह जेरबंद करण्यात ठाणे गुन्हे शाखेला यश मिळालं आहे.
ठाण्यात तापमानाचा पारा घसरला – कुडकुडणा-या थंडीचा अनुभव
काल रात्रीपासून ठाण्यात तापमानाचा पारा घसरला आहे.
राष्ट्रीय ग्राहक दिनानिमित्त मानके आणि उत्पादन या विषयावर प्रशिक्षण आणि जनजागृती कार्यक्रम
राष्ट्रीय ग्राहक दिनाचे औचित्य साधून ग्राहकांना देण्यात आलेल्या अधिकारांचे आणि हक्कांचे संरक्षण व्हावे. यासाठी मानके आणि उत्पादनांचे या विषयावर प्रशिक्षण आणि जनजागृती कार्यक्रमाचे आयोजन जिल्हाधिकारी कार्यालयात करण्यात आले होते.
ठाणे परिवहन सेवेच्या ताफ्यात नवीन वर्षात इलेक्ट्रीक आणि सीएनजीच्या नवीन बसेस दाखल होणार
ठाणे परिवहन सेवेच्या ताफ्यात नवीन वर्षात इलेक्ट्रीक आणि सीएनजीच्या २० नवीन बसेस दाखल होणार आहेत.
सहायक आयुक्तांना दमदाटी करणाऱ्यालाच ठाणे महापालिकेने केला गाळा बहाल
महापालिकेच्या सहायक आयुक्ताला दमदाटी केल्यानंतर तुरुंगात गेलेल्या फेरीवाल्यालाच महापालिकेने गावदेवी भाजी मंडईतील दुकान बेकायदेशीररित्या बहाल केले आहे.
महापालिकेच्या स्थावर मालमत्ता विभागाने केलेला हा धक्कादायक गैरव्यवहार भाजपाचे माजी ज्येष्ठ नगरसेवक संजय वाघुले यांनी उघड केला आहे. तसेच या प्रकरणी आयुक्त अभिजीत बांगर यांच्याकडे चौकशी करून दोषी अधिकाऱ्यांच्या निलंबनाची मागणी केली आहे.
गावदेवी मंडईत १५४ ओटले (गाळे) उभारण्यात येणार होते. मात्र, तेथे १५५ गाळे उभारले गेले. त्यातील ३६ क्रमांकाचा गाळा मिळालेल्या श्याम लोखंडे यांच्या भाजी विक्री व्यवसायाला अपेक्षित प्रतिसाद मिळत नव्हता. त्यामुळे महानगरपालिकेच्या महासभेत ठराव करून लोखंडे यांना मंडईबाहेर गाळा बांधून देण्यात आला. त्यानंतर लोखंडे यांच्या ताब्यातील गाळा क्रमांक ३६ हा महापालिकेच्या स्थावर मालमत्ता विभागाने बाबासाहेब खेडकर यांना बहाल केला. त्या प्रकारची नोंद स्थावर मालमत्ता विभागाच्या कागदपत्रात आढळली आहे. या बेकायदेशीर प्रकाराविरोधात भाजपाचे माजी ज्येष्ठ नगरसेवक संजय वाघुले यांनी आवाज उठविला आहे.
मालमत्ता विभागाने गाळा दिलेल्या बाबासाहेब खेडकर याच्यावर महापालिकेच्या तत्कालीन सहायक आयुक्त प्रणाली घोंगे यांना दमदाटी केल्याचा आरोप आहे. त्याच्यावर वर्तक नगर पोलिस ठाण्यात एफआयआर क्रमांक ३६१/ २०२० नुसार ८ नोव्हेंबर २०२० रोजी गुन्हा दाखल करण्यात आला होता. त्यानंतर त्याला १२ दिवसांची कोठडीही ठोठविण्यात आली होती. अशा आरोपी फेरीवाल्यालाच महापालिकेने गाळा दिल्याने स्थावर व मालमत्ता विभागाच्या कारभारावर प्रश्नचिन्ह निर्माण झाले आहे. गावदेवी मार्केट मध्ये १५४ गाळेधारक होते. मात्र, १५५ गाळे बांधले गेले. या मार्केटमधील एक जास्त गाळा हा कोणत्याही रस्ते वा प्रकल्पात बाधित न झालेल्या धर्मेंद्र वाघुले यांना देण्यात आला. सध्या १५५ क्रमांकाचा हा गाळा धर्मेंद्र वाघुलेंच्याच ताब्यत आहे. त्याच्यावर स्थावर व मालमत्ता विभागाने मेहेरनजर का दाखवली, असा सवाल संजय वाघुले यांनी केला आहे.
काही वर्षांपूर्वी गावदेवी भाजी मंडईलगत असलेल्या एका गाळेधारकाने रस्त्यात ठेवलेला माल महापालिकेच्या उपायुक्ताने जप्त केला होता. त्यावेळी त्या गाळेधारकाने चक्क उपायुक्तालाच धक्काबुक्की केली होती. या प्रकाराची गंभीर दखल घेत तत्कालीन महापालिका आयुक्त संजीव जयस्वाल यांनी त्या गाळेधारकाचा गाळा असलेले संपूर्ण संकुलच जमीनदोस्त केले होते. महापालिकेच्या अधिकाऱ्यांना धक्काबुक्की व फेरीवाल्यांची अरेरावी सहन करणार नाही, असा संदेश त्यांनी दिला होता. मात्र, आता सहायक आयुक्ताला दमदाटी करणाऱ्या समाजकंटक फेरीवाल्याला महापालिकेच्या मालकीचा गाळा देण्याचा पराक्रम स्थावर मालमत्ता विभागाने केला आहे, याबद्दल संजय वाघुले यांनी संताप व्यक्त केला.
खासदार राजन विचारे यांचा लोकसभेत ठाणे रेल्वे स्थानकाच्या नवीन इमारतीचा नियम ३७७ च्या माध्यमातून दाखल
खासदार राजन विचारे यांनी ठाणे रेल्वे स्थानकाच्या धोकादायक म्हणुन पाडलेल्या इमारतीच्या जागेवर नवीन इमारतीच्या पुनर्विकासासाठी रेल्वे मंत्रालयाकडून जास्तीत जास्त निधीची तरतूद करून या इमारतीचे बांधकाम सुरू करावे यासाठी पुन्हा लोकसभेत नियम ३७७ अंतर्गत या लोकसभा आयुधाच्या माध्यमातून दाखल करण्यात आलेला आहे.
ठाणे जिल्हाधिकारी कार्यालयात सुशासन सप्ताहास आजपासून सुरूवात
ठाणे जिल्हाधिकारी कार्यालयात सुशासन सप्ताहास आजपासून सुरूवात झाली. जिल्ह्यातील या कालावधीत केलेल्या कार्यवाहीचा अहवाल केंद्र शासनाने दिलेल्या निर्देशानुसार यासाठी विकसित केलेल्या वेबपोर्टलवर अपलोड करण्याच्या सूचना यावेळी उपजिल्हाधिकारी गोपीनाथ ठोंबरे यांनी दिल्या.
समूह विकास योजनेच्या प्रकल्प कामांचा महापालिका आयुक्तांनी घेतला आढावा
महापालिका कार्यक्षेत्रातील झोपडपट्टी विभागातील रहिवाशांचे जीवनमान उंचवावे आणि त्यांना मालकी हक्काचे घर कायमस्वरुपी मिळावे, यासाठी महापालिकेने महत्वाकांक्षी असा समूह विकास प्रकल्प (क्लस्टर) राबविण्याचे प्रस्तावित केले आहे, यासाठी एकूण 12 यू.आर.पी ला मंजुरी देण्यात आली आहे, या प्रकल्प कामाचा आढावा घेण्यासाठी आयुक्त अभिजीत बांगर यांनी अधिकाऱ्यांची बैठक घेवून प्रकल्प कामे तातडीने सुरू करणेबाबत आदेश दिले.
जागतिक कोव्हीड स्थितीच्या पार्श्वभूमीवर आयुक्त अभिजीत बांगर यांनी घेतली तातडीची बैठक
चीनसह जपान, फ्रान्स देशात कोरोनाचा उद्रेक होत असल्याच्या पार्श्वभूमीवर केंद्र आणि राज्याची आरोग्य यंत्रणा सतर्क झाली असून ठाणे महापालिका आयुक्त अभिजीत बांगर यांनी ठाणे महापालिकेच्या आरोग्य विभागाची आज तातडीने बैठक घेत शहरात दैनंदिन कोव्हीड चाचण्या आणि लसीकरणाचा आढावा घेतला.