केंद्र आणि राज्य शासनाच्या महाआवास अभियानातंर्गत उत्कृष्ट कामगिरी करून राज्यात तिसरा क्रमांक मिळाल्याबद्दल ठाणे जिल्हा परिषदेचा मुंबईत झालेल्या राज्यस्तरीय कार्यक्रमात मुख्यमंत्री एकनाथ शिंदे यांच्या हस्ते गौरव करण्यात आला.
बाबा रामदेव यांच्या वादग्रस्त विधानाने खळबळ
महिलांनी साडी, सलवार सूट परिधान केल्यावर त्या सुंदर दिसतात तसेच माझ्यासारखे कपडे परिधान केले नाही तरी त्या सुंदर दिसतात असे वादग्रस्त वक्तव्य योगगुरू बाबा रामदेव यांनी ठाण्यात बोलताना केले.
संविधान दिन आणि समता पर्वानिमित्त जिल्ह्यात विविध उपक्रमांचे आयोजन
संविधान निर्माते, घटनाकार डॉ. बाबासाहेब आंबेडकर यांच्या विषयी कृतज्ञता व्यक्त करण्यासाठी 26 नोव्हेंबर हा संविधान दिन म्हणून साजरा करण्यात येणार आहे. यानिमित्त 26 नोव्हेंबर ते 6 डिसेंबर या कालावधीत समता पर्व साजरे करण्यात येत असून या कालावधीत जिल्ह्यात विविध कार्यक्रमांचे आयोजन करण्यात आले असल्याची माहिती जिल्हाधिकारी अशोक शिनगारे यांनी दिली आहे.
पं. राम मराठे स्मृती पुरस्कार डॉ. मंजिरी देव यांना, तर दीपिका भिडे-भागवत यांना युवा पुरस्कार जाहीर
पं. राम मराठे स्मृती पुरस्कार डॉ. मंजिरी देव यांना, तर दीपिका भिडे-भागवत यांना युवा पुरस्कार जाहीर झाला आहे.
कोपरी ठाणेकरवाडी येथील स्मशानभूमीचा लवकरच होणार कायापालट
कोपरी ठाणेकरवाडी येथील स्मशानभूमीचा लवकरच कायापालट होणार आहे.
ठाणे स्मार्टसिटी कार्यक्रमातंर्गत नागरिकांच्या सहभागासाठी पथनाट्य, होर्डिंग्जद्वारे शहरात जनजागृती
शहर नियोजनाचे धोरण ठरविताना त्यात नागरिकांचा सहभाग कसा वाढविता येईल, यासाठी एक मार्गदर्शक प्रणाली तयार करण्याचे काम केंद्र सरकार स्मार्टसिटी योजनेतंर्गत करीत आहे. देशातील 100 स्मार्टसिटी शहरांमध्ये ‘अर्बन आउटकम फ्रेमवर्क 2022′ या कार्यक्रमातंर्गत’नागरिक आकलन सर्वेक्षण’ उपक्रम सुरू करण्यात आला आहे.
ठाण्यातील स्टारफिश स्पोर्टस फाऊंडेशनच्या जलतरणपटूंची राज्यस्तरीय सागरी जलतरण स्पर्धेत चमकदार कामगिरी
ठाण्यातील स्टारफिश स्पोर्टस फाऊंडेशनच्या जलतरणपटूंनी विजयदुर्ग येथे झालेल्या राज्यस्तरीय सागरी जलतरण स्पर्धेत चमकदार कामगिरी केली.
नफरत छोड़ो संविधान बचाओ अभियानात जनतेने सहभागी होण्याचं आवाहन
देशभरातील जन आंदोलनांच्या वतीने नफरत छोड़ो संविधान बचाओ अभियाना अंतर्गत देशातील सुमारे ५०० जिल्ह्यात प्रत्येकी किमान ७५ कि.मी. पदयात्रा काढून जनसंवाद सुरू आहे. त्याच्याच एक भाग म्हणून ठाणे जिल्ह्यात महात्मा फुले स्मृती दिन २८ नोव्हेंबर ते ५ डिसेंबर या डॉ बाबासाहेब आंबेडकर महापरिनिर्वाण दिनाच्या पूर्वसंध्ये पर्यंत नफरत छोड़ो संविधान बचाओ यात्रा काढण्यात येणार आहे.
ठाणे पोलीस आयुक्तालयाच्या हद्दीतील निवडणूक होणाऱ्या ग्रामपंचायत परिसरात मनाई आदेश लागू
ठाणे शहर पोलीस आयुक्तालयाच्या हद्दीत असलेल्या काही ग्रामपंचायतीमध्ये निवडणुका होणार आहेत. यामुळे या ग्रामपंचायत परिसरात व ग्रामपंचायत निवडणुकीचे कामकाज चालणाऱ्या अंबरनाथ, कल्याण तहसीदार/पंचायत समिती कार्यालयाच्या परिसरात 23 डिसेंबर पर्यंत मनाई आदेश लागू करण्यात आला असल्याची माहिती ठाणे शहर विशेष शाखेचे पोलीस उप आयुक्त श्रीकांत परोपकारी यांनी दिली आहे.
कोकण विभाग शिक्षक मतदारसंघाच्या प्रारुप मतदार यादीत 16 हजार 82 स्त्री आणि 14 हजार 80 पुरुष मतदार
कोकण विभाग शिक्षक मतदारसंघाच्या मतदार याद्या तयार करण्याबाबतच्या कार्यक्रमांतर्गत प्रसिध्द करण्यात आलेल्या प्रारुप याद्यांमध्ये 30 हजार 162 मतदार असून त्यापैकी 16 हजार 82 स्त्रिया आणि 14 हजार 80 पुरुष मतदार असल्याची माहिती कोकण विभागाचे उपआयुक्त मनोज रानडे यांनी दिली.