रस्त्यांवरील खड्ड्यांमुळे रस्त्यांची दुर्दशा झाल्यानं सर्वत्र वाहतूक कोंडी होत असल्यामुळं पालकमंत्र्यांनी ही वाहतूक कोंडी दूर करण्यासाठी घाईघाईनं कारवाईचा प्रयत्न केला पण तरीही आज शहरामध्ये मोठी वाहतूक कोंडी दिसून आली. मुंबई-नाशिक महामार्गाबरोबरच भिवंडी, ठाणे, आंजूरफाटा ते चिंचोटी तसंच अंतर्गत रस्त्यांवरही वाहतूक कोंडीचा फटका बसला. मुंबई -भिवंडी -नाशिक बाह्यवळण रस्त्यावर मोठी वाहतूक कोंडी झाल्याचं दिसत होतं. रस्त्यांवर वाहनांच्या लांबच लांब रांगा दिसत होत्या. ठाण्याहून भिवंडी-नाशिककडे जाणा-या मार्गांवर लागलेल्या रांगा या बराच वेळ हलल्या नव्हत्या. एकप्रकारे पालकमंत्र्यांनी केलेल्या उपाययोजना कुचकामी ठरल्याचं दिसून आलं.
