कोकण ग्रामीण विकास कार्यक्रमांतर्गत कोकणातील ग्रामीण भागातील पर्यटनाला चालना मिळण्यासाठी श्रीमलंगगड परिसरात विविध विकास कामांकरिता ७५ लाखांच्या कामास मंजुरी मिळाली आहे. श्रीमलंगगडाच्या विकासासाठी खासदार श्रीकांत शिंदे गेली ५ वर्ष प्रयत्नशील होते. श्रीमलंगगडावर जाणा-या भाविक आणि स्थानिकांसाठी पाय-या, साकव आणि पाण्याची टाकी बांधण्यात आली आहे. फेनीक्युलरचं काम प्रगतीपथावर असून गावाअंतर्गत रस्तेही तयार करण्यात आले आहेत. श्रीमलंगगड येथे फेनीक्युलर गणपती मंदिर ते ऑस्ट्रेलियन टाकीकडे जाणा-या मुख्य रस्त्याचं काम करणे, श्रीमलंगगडाच्या पायथ्याशी शिवमंदिर परिसरात भाविकांसाठी निवारा बांधणे तसंच श्रीमलंगगड बस स्थानक परिसरातील भाविकांसाठी शौचालय आणि प्रसाधनगृहही लवकरच बांधण्यात येणार आहेत.