रूणवाल गार्डन सिटी मध्ये परांची कोसळून झालेल्या अपघात प्रकरणी पोलीसांनी दोघांविरोधात गुन्हा दाखल केला आहे. बाळकूम येथील रूणवाल गार्डन सिटीमधील रेल्वे कामासाठी लावलेली परांची कोसळल्यामुळं झालेल्या अपघातात ८ कामगार गंभीर जखमी झाले होते. ही परांची रूणवाल गार्डन सिटी फेज १ ए आणि २ या इमारतींना लावण्यात आली होती. काल या परांची काढण्याचं काम सुरू होतं. मात्र ही परांची काढताना कामगारांच्या सुरक्षेची कोणतीच काळजी घेण्यात आली नव्हती. दीड-दोन वर्षापासून ही परांची येथेच असल्यामुळं परांचीचे बांबू कुजले होते. कोणतीही तपासणी न करता कामगारांना ही परांची उतरवण्यासाठी चढवण्यात आल्यानं निष्काळजी आणि हयगय केल्याबद्दल पोलीसांनी संग्राम कुंभार आणि अजमल हुसेन अशा दोघांविरूध्द गुन्हा दाखल केला आहे.
