राष्ट्रवादी काँग्रेसनं पूरग्रस्तांसाठी दोन ट्रक्स भरून संसारोपयोगी साहित्य पाठवलं आहे. या ट्रकला राष्ट्रवादी काँग्रेसच्या नेत्या सुप्रिया सुळे यांनी हिरवा झेंडा दाखवला. गेल्या आठवड्यामध्ये आमदार जितेंद्र आव्हाड यांनी पूरग्रस्तांसाठी तातडीनं लागणा-या जीवनावश्यक वस्तू पाठवल्या होत्या. मात्र पूरग्रस्तांचे संसार वाहून गेल्यामुळे त्यांचे संसार उभे करण्याचे मोठे आव्हान होते. हे लक्षात घेऊन पूरग्रस्तांचे संसार पुन्हा उभे करण्यासाठी त्यांना आवश्यक असणा-या गृहोपयोगी वस्तू जमा करण्यात आल्या आणि या वस्तू ट्रकने कोल्हापूरला पाठवण्यात आल्या.
