मुंबई महापालिकेप्रमाणेच ठाण्यातही गच्चींवरील वेदर शेडला मान्यता मिळावी अशी मागणी ठाण्यातील एक सामाजिक कार्यकर्ते राजीव दत्ता यांनी मुख्य सचिवांकडे केली आहे. मुंबई महापालिकेनं गच्चींवरील वेदर शेडला मान्यता दिली आहे. ठाणे महापालिकेच्या सर्वसाधारण सभेत गच्चीवरील वेदर शेडला मंजुरी देण्यात आली आहे. हा प्रस्ताव नगर विकास विभागाकडे मंजुरीसाठी पाठवण्यातही आला आहे. पण अद्यापही या प्रस्तावाला शासनाची मंजुरी मिळू शकलेली नाही. त्यामुळं सामाजिक हितास्तव गच्चींवरील वेदर शेडला लवकरात लवकर मंजुरी मिळावी अशी मागणी राजीव दत्ता यांनी मुख्य सचिवांकडे केली आहे.
