स्थानिक संस्था कर कमी करण्यासाठी ५० हजारांच्या लाचेची मागणी करणा-या ठाणे महापालिकेच्या लिपीकाला लाचलुचपत प्रतिबंधक विभागानं रंगेहात अटक केली आहे. ठाण्यातील एका स्टेशनरीच्या व्यापा-याचा मागील तीन वर्षाचा स्थानिक संस्था कर कमी केल्याचा मोबदला म्हणून पालिकेच्या एलबीटी विभागातील लिपिक शरद उघाडे यांनी त्यांच्याकडे ५० हजार रूपयांची मागणी केली होती. त्यानंतर लाचलुचपत प्रतिबंधक विभागाकडे तक्रार दाखल केल्यानंतर लाचलुचपत विभागाने माजिवडा येथील कार्यालयात ४५ हजारांची लाच स्वीकारताना उघाडे यांना रंगेहात अटक केली.