ठाणे महापालिका आयोजित वृक्षवल्ली २०२० या प्रदर्शनातील झाडं, फुलं, फळं आणि भाजीपाला स्पर्धेत मध्य रेल्वेनं प्रथम तर लोढा ग्रुपनं द्वितीय क्रमांक पटकावला. या स्पर्धेत ५० स्टॉल धारकांसह ६०० स्पर्धक सहभागी झाले होते. विविध विभागात घेण्यात आलेल्या स्पर्धेमध्ये एकूण अडीचशे प्रथम, द्वितीय, तृतीय आणि उत्तेजनार्थ पारितोषिक मिळवलेल्या स्पर्धकांना महापौरांच्या हस्ते सन्मानचिन्ह देऊन गौरवण्यात आलं. या प्रदर्शनात शोभिवंत पाना-फुलांच्या कुंड्या, वामन वृक्ष, कॅक्टस, ब्रोमिलियाझ ऑर्किडस्, गुलाब पुष्प, पुष्परचना, औषधी वनस्पती, नवलकोलसारखा भाजीपाला, समीयासारख्या दुर्मिळ होत चाललेल्या वनस्पती, फळं, झाडं, फळांची मांडणी, उद्यान प्रतिकृती, निसर्ग आणि पर्यावरणावर आधारीत रंगचित्र आदीच्या प्रदर्शनाचा ठाणेकरांनी लाभ घेतला. या प्रदर्शनास जवळपास सव्वा लाखाहून अधिक लोकांनी भेट दिली.
