पेट्रोलनं नव्वदी पार केल्याबद्दल काँग्रेसतर्फे इटर्निटी मॉल तीन हात नाका येथील पेट्रोल पंपावर मोदी सरकारचा अनोख्या पध्दतीनं लाडू वाटून निषेध करण्यात आला. पेट्रोल-डिझेलच्या दरात वाढ करण्यात आल्याच्या निषेधार्थ काँग्रेसतर्फे हे आंदोलन करण्यात आलं. एकीकडे कोरोनामुळे मोठा आर्थिक फटका बसलेला असतानाच दुसरीकडे पेट्रोल-डिझेलचे गगनाला भिडलेले भाव हे आर्थिक कंबरडं मोडण्याचं काम करत आहेत. जागतिक पातळीवर एकीकडे पेट्रोल-डिझेलचे भाव घसरले असताना देशात मात्र पेट्रोल डिझेलच्या दरात कोणतीच घट झालेली नाही. या निषेधार्थ काँग्रेसतर्फे लाडू वाटून अनोख्या पध्दतीनं हे आंदोलन करण्यात आलं.