ठाण्यामध्ये आज सर्वत्र धुक्याची दुलई पांघरल्याचं चित्र दिसत होतं. दोन दिवसापूर्वी झालेल्या अवकाळी पावसामुळे वातावरणातील गारवा चांगलाच वाढला असून त्याचा परिणाम म्हणून आज सकाळी सर्वत्र धुकंच धुकं दिसत होतं. सकाळी ७ नंतर दाट धुकं झाल्याचं दिसत होतं. हे धुकं इतकं दाट होतं की समोरच ५०० मीटरवर असलेली इमारतही दिसत नव्हती. अवकाळी पावसामुळे तापमान चांगलंच घटलं असून पारा १० अंशानं घटला आहे.