ज्युपिटर हॉस्पिटल समोर आज पहाटेच्या सुमारास एसटी बसच्या झालेल्या अपघातात एक महिला आणि एसटी वाहकाला दुखापत झाली आहे. आज पहाटे साडेपाचच्या सुमारास बोरिवलीला जाणा-या एसटी बसने समोरून जात असलेल्या कंटेनरला मागून धडक दिल्याने मोठा अपघात झाला. या बसमधून ४ महिला आणि ५ पुरूष प्रवास करत होते. यावेळी बसचा वाहक आणि एका महिलेला दुखापत झाली. त्यांना उपचारासाठी छत्रपती शिवाजी महाराज रूग्णालयात दाखल करण्यात आले आहे.