ठाण्यातील पहिले दृकश्राव्य माध्यम
ओवळा-माजिवडा विधानसभा मतदारसंघात १६ हजार ७०५ मतांनी शिवसेनेचे प्रताप सरनाईक आघाडीवर आहेत. प्रताप सरनाईक यांना २० हजार ३७२, काँग्रेसच्या विक्रांत चव्हाण यांना ३ हजार ६६७ तर महाराष्ट्र नवनिर्माण सेनेच्या संदीप पाचंगे यांना २ हजार ५७९ मतं मिळाली आहेत.
कोपरी-पाचपाखाडी विधानसभा मतदार संघात शिवसेनेचे एकनाथ शिंदे १५ हजार १३ मतांनी आघाडीवर आहेत. एकनाथ शिंदे यांना १८ हजार ४५२ तर काँग्रेसच्या संजय घाडीगावकर यांना ३ हजार ४३९, वंचित बहुजन आघाडीच्या उन्मेश बागवे यांना ८११ तर महाराष्ट्र नवनिर्माण सेनेच्या महेश कदम यांना २ हजार ५०५ मतं मिळाली आहेत.
भारतीय जनता पक्षाचे ठाणे विधानसभेचे उमेदवार संजय केळकर हे ५ हजार ५३२ मतांनी आघाडीवर आहेत. संजय केळकर यांना १६ हजार ७९४ तर महाराष्ट्र नवनिर्माण सेनेच्या अविनाश जाधव यांना ११ हजार २६२ मतं पडली आहेत.
जिल्ह्यामध्ये विधानसभेसाठी झालेल्या मतदानात सर्वाधिक मतदान हे मुरबाड विधानसभा मतदारसंघात तर सर्वात कमी मतदान अंबरनाथ विधानसभा मतदारसंघात झालं आहे.
जिल्ह्यामध्ये विधानसभेसाठी मतदान सुरू असून मतदान संथगतीने होत आहे.
विधानसभा निवडणुकीसाठी जिल्ह्यामध्ये आज सकाळी ७ वाजल्यापासून मतदानास सुरूवात झाली. मात्र मतदान हे अतिशय संथगतीनं सुरू
असल्याचं दिसून आलं.
विधानसभा निवडणुकीमध्ये मतदान केंद्रात मोबाईल वापरास मनाई करण्यात आली आहे.
विधानसभा निवडणुकीत मतदान करताना मतदाराकडे मतदार छायाचित्र ओळखपत्र आवश्यक असून ते नसल्यास इतर ११ दस्तऐवजांचा ओळखीचा पुरावा म्हणून मतदान केंद्रावर ग्राह्य धरलं जाणार आहे.
सोमवारी होणा-या विधानसभा निवडणुकीच्या मतदानात जिल्ह्यामध्ये ६३ लाखाहून अधिक मतदार मतदानाचा हक्क बजावणार आहेत. या निवडणुकीची जिल्हा प्रशासनाची तयारी पूर्ण झाल्याची माहिती जिल्हा निवडणूक अधिकारी राजेश नार्वेकर यांनी दिली.
विधानसभा निवडणुकीमध्ये जिल्ह्यात दिव्यांग मतदार मतदानापासून वंचित राहू नये यासाठी विशेष व्यवस्था करण्यात आली आहे.