विधानसभा निवडणुकीसाठी ठाणे ग्रामीण पोलीसही सज्ज झाले असून निवडणूक शांततेत पार पाडण्यासाठी जवळपास अडीच हजाराहून अधिक पोलीसांची नियुक्ती करण्यात आली आहे. ठाणे ग्रामीण पोलीस क्षेत्रात विधानसभेचे ९ मतदारसंघ येतात. यामध्ये १५१० मतदान केंद्र असून यात ११० क्रिटिकल तर ११२ सेन्सेटिव्ह मतदान केंद्र आहेत. निवडणूक प्रक्रिया शांततेत आणि सुलभतेनं पार पडण्यासाठी ७ पोलीस उपअधिक्षक, २७ पोलीस निरिक्षक, ११७ सहाय्यक पोलीस निरिक्षक, पोलीस उपनिरिक्षक, १५७६ पोलीस कर्मचारी आणि ८०० गृहरक्षक दलाचे जवान तसंच ३ केंद्रीय निमलष्करी दलाच्या तुकड्या तैनात करण्यात आल्या आहेत.
