महापालिका क्षेत्रात बेकायदेशीररित्या प्लास्टीक, थर्माकोल सारख्या अविघटनशील वस्तुंची विक्री करणाऱ्यांवर ठाणे महापालिकेच्या वतीने विविध ठिकाणी धडक कारवाई करण्यात आली. तीन दिवसाच्या कारवाईमध्ये सुमारे ४४० किलो प्लास्टिक जप्त करून १ लाख ४३ हजार ८०० रुपये दंड वसूल करण्यात आला आहे. या मोहिमेतंर्गत महानगरपालिका क्षेत्रातील ९ प्रभाग समिती कार्यक्षेत्रातील विविध ठिकाणी अचानक धाडी टाकून प्लास्टीक, थर्माकोल वापरणाऱ्या आस्थापनांवर दंडात्मक कारवाई आली आहे. त्यांच्याकडून एकूण ४४० किलो वजनाचे प्लास्टिक जप्त करून १ लाख ४३ हजार ८०० रुपये दंड वसूल करण्यात आला आहे.
