ठाण्यात काठ अन घाट रेस्टॉरंटला आज सकाळी भीषण आग लागली होती. सुदैवानं यामध्ये कोणतीही जिवितहानी झाली नाही. नितीन कंपनी सर्व्हीस रस्त्यावर हे रेस्टॉरंट असून सकाळी ७ च्या सुमारास या तळ अधिक एक मजला असलेल्या या रेस्टॉरंटला आग लागल्याची माहिती आपत्ती व्यवस्थापन विभागाला मिळाली. त्यानंतर आपत्ती व्यवस्थापन पथकाचे अधिकारी-कर्मचारी, अग्निशमन दलाचे जवान, नौपाडा पोलीस, महावितरणच्या कर्मचा-यांनी घटनास्थळी जाऊन मदतकार्य सुरू केले. तब्बल ४ तासांच्या प्रयत्नानंतर ही आग पूर्णपणे विझवण्यात आली.
