कळवा खाडीमध्ये तोल जाऊन पडलेल्या सात वर्षाच्या मुलाचा मृतदेह अखेर आज संध्याकाळी मिळाला आहे. नागसेन नगर येथील रिशी उस्वा हा ७ वर्षाचा मुलगा कळवा खाडीशेजारी सायकल चालवत असताना १३ जुलै रोजी तोल जाऊन खाडीमध्ये पडला होता.
त्यानंतर गेल्या ६ दिवसांपासून घटनास्थळी स्थानिक मच्छीमार खारकर यांच्या टीमसोबत ठाणे नगर पोलीस, आपत्ती व्यवस्थापन विभागाचे अधिकारी-कर्मचारी, ठाणे आपत्ती प्रतिसाद दलाचे जवान, ठाणे अग्निशमन दलाचे अधिकारी-जवान ३ बोटींच्या मदतीने शोधकार्य करत होते. आज अखेर पावणे सहाच्या सुमारास विटावा ते ऐरोली खाडीच्या दरम्यान या मुलाचा मृतदेह सापडला आहे. हा मृतदेह जिल्हा शासकीय रुग्णालयात पुढील कार्यवाही नेण्यात आला आहे.
