ठाणे जिल्हा परिषद अध्यक्षपद आणि पाच पंचायत समिती सभापती पदांच्या आरक्षणाची सोडत आज जिल्हाधिकारी अशोक शिनगारे आणि मुख्य कार्यकारी अधिकारी मनुज जिंदल यांच्या उपस्थितीत पार पडली. जिल्हा परिषदेचे अध्यक्षपद सर्वसाधारण प्रवर्गासाठी आरक्षित असल्याचे यावेळी जाहीर करण्यात आले. यावेळी सर्वसाधारण महिला आणि सर्वसाधारण या आरक्षणासाठी चिठ्ठीद्वारे सोडत काढण्यात आली. शालेय विद्यार्थी आकाश सिंग याने चिठ्ठी काढून सोडत काढली.