ठाणे महापालिका क्षेत्रात आज १४६ नवीन कोरोनाग्रस्त रूग्णांची नोंद झाली आहे. आता पालिका क्षेत्रातील कोरोनाग्रस्तांची एकूण संख्या २ हजार ७५० इतकी झाली आहे. एकूण ९२ जणांना आज घरी सोडण्यात आलं तर आत्तापर्यंत बरे झालेल्यांची संख्या १ हजार १७७ इतकी झाली आहे. आज दिवसभरात ४ रूग्णांचा मृत्यू झाला त्यामुळे एकूण ७९ कोरोनाग्रस्त आत्तापर्यंत दगावले आहेत. तर प्रत्यक्ष उपचार घेत असलेल्यांची संख्या १ हजार ४९४ इतकी आहे.