एमआयडीसीची पाईपलाईन फुटल्यामुळे ठाणे शहर आणि आजूबाजूचा पाणीपुरवठा खंडीत झाला आहे. आज संध्याकाळी साडेपाचच्या सुमारास शीळफाटा येथे एमआयडीसीच्या पाईपलाईनचं दुरूस्तीचं काम पूर्ण झाल्यानंतर ही पाईपलाईन पुन्हा काटई नाका येथे संध्याकाळी ६ वाजताच्या सुमारास फुटली आहे. ही पाईपलाईन १७१२ मिलीमीटर व्यासाची असून घटनास्थळी एम.आय.डी.सी. कर्मचाऱ्यांकडून दुरुस्तीचे काम सुरू आहे. यामुळे ठाणे शहर, मिरा भाईंदर, कल्याण-डोंबिवली शहराचा पाणी पुरवठा खंडीत झाल्याचं एम.आय.डी.सी. कडून कळवण्यात आलं आहे.
