सर्वांचं लक्ष लागून राहिलेल्या कल्याण लोकसभा मतदारसंघात अपेक्षेनुसार शिवसेना एकनाथ शिंदे गटाचे श्रीकांत शिंदे आघाडीवर आहेत. श्रीकांत शिंदे यांना ३ लाख ७८ हजार ६५१ मतं मिळाली आहेत. तर त्यांच्या प्रतिस्पर्धी उध्दव बाळासाहेब ठाकरे गटाच्या वैशाली दरेकर यांना १ लाख ९६ हजार ७२५ मतं मिळाली आहेत. त्यामुळे श्रीकांत शिंदे हे १ लाख ८१ हजार ९२६ मतांनी आघाडीवर आहेत. श्रीकांत शिदे यांना मिळालेल्या मोठ्या आघाडीमुळे त्यांचा विजय निश्चित मानला जात आहे. कल्याण लोकसभा मतदारसंघात ७ हजार ५३३ नोटा म्हणजे कोणालाही नाही अशी नोंद झाली आहे.
