religious

डॉ. बाबासाहेब आंबेडकरांना आंबेडकरी जनतेची मानवंदना

भारतीय घटनेचे शिल्पकार डॉ. बाबासाहेब आंबेडकर यांची १२७ वी जयंती ठाणे जिल्ह्यात मोठ्या उत्साहात साजरी करण्यात आली. राजे, भोसले, फुले, शाहू, आंबेडकर प्रतिष्ठानातर्फे या निमित्तानं एका कार्यक्रमाचं आयोजन करण्यात आलं होतं. ठाणे शहरात ठीक रात्री १२ वाजता जिल्हाधिकारी कार्यालयासमोरील डॉ. बाबासाहेब आंबेडकर यांच्या पुतळ्याला आंबेडकरी जनतेनं मोठ्या संख्येनं जमून मानवंदना दिली. आंबेडकर अनुयायांनी पुष्पहार अर्पण करून आंबेडकरांना अभिवादन केलं. तर काही आंबेडकर अनुयायांनी मेणबत्त्या प्रज्वलित करून आंबेडकरांना अभिवादन केलं. यंदा अमेरिकेतून भिक्कणी खांम्पि खेमा या प्रमुख पाहुण्या म्हणून ठाण्यात आल्या होत्या. त्यांनी सांगितले की, अमेरिकेतील कोलंबिया विद्यापीठात उच्च शिक्षण घेतलेले डॉ. बाबासाहेब हे भारतासह जगातील कोट्यावधी शोषित, पिडीत, क्रांतीकारी आणि मानवतावादी लोकांचे प्रेरणास्थान आहेत. त्यांनी यावेळी बाबासाहेबांच्या पुतळ्यास पुष्पहार अर्पण करून अभिवादन केलं. डॉ. बाबासाहेब आंबेडकरांच्या रेल्वे स्थानका समोरील पुतळ्यालाही पुष्पहार अर्पण करण्यात आला. त्यानंतर फटाक्यांची मोठी आतिषबाजी करण्यात आली.

Leave a Reply

Your email address will not be published. Required fields are marked *