ठाणे महापालिकेतर्फे शिक्षकांसाठी शाळेतील विद्यार्थ्यांच्या भावनिक समायोजनाकरिता मानसिक आरोग्य तसंच प्रेरणादायी जीवन या विषयावर एका प्रशिक्षण कार्यक्रमाचं आयोजन करण्यात आलं होतं. या प्रशिक्षण वर्गाला महापालिका शाळेतील सर्व शिक्षकांनी उत्स्फूर्त प्रतिसाद दिला होता. ठाणे महापालिकेच्या कार्मिक विभागाकडील प्रशिक्षण कक्ष आणि शिक्षक विभागाच्या सहकार्यानं या एक दिवसीय प्रशिक्षण कार्यक्रमाचं आयोजन करण्यात आलं होतं. वन प्रशिक्षण संस्था आणि यशदाच्या मार्फत सर्व शिक्षकांना हे प्रशिक्षण देण्यात आलं. शाळेतील विद्यार्थ्यांचं मानसिक समायोजन कसं करावं याबाबत मालविका, देविका कपूर, तन्वी सांबरानी यांनी प्रशिक्षण दिलं. तर गिरिश झेंडे यांनी शाळेतील शिक्षकांचं आणि विद्यार्थ्यांचं मानसिक आरोग्य कसं असावं, अंगभूत कौशल्यं यावर मार्गदर्शन केलं.