कल्याणात भरारी पथकानं एका गाडीतून १२ लाख ४८ हजारांची रोकड जप्त केली आहे. कल्याणमध्ये काल सुभाष चौकात साडेआठच्या सुमारास उल्हासनगरच्या दिशेनं येणा-या संशयित गाडीची तपासणी कल्याण पश्चिमचे निवडणूक निर्णय अधिकारी अजिंक्य पडवळ यांच्या मार्गदर्शनाखाली भरारी पथक प्रमुख दामोदर साळवी आणि त्यांच्या सहका-यांनी केली असता या गाडीमध्ये १२ लाख ४८ हजारांची रोकड सापडली. याबाबत वाहन चालकाकडे विचारणा केली असता तो समाधानकारक उत्तरं देऊ शकला नाही. त्यामुळं ही रक्कम जप्त करण्यात आली.
