स्टार टॉरटॉईज जातीच्या दुर्मिळ कासवांची विक्री करण्यासाठी आलेल्या व्यक्तीला वन विभागानं पकडलं आहे. वसंतविहार येथील बालाजी ॲक्वेरियम या मासे आणि पक्षी विक्री करणा-या दुकानात स्टार टॉरटॉईज या प्रजातीचे कासव विकले जात असल्याची माहिती वन विभागाला मिळाली होती. वन विभागानं याबाबत तपासणी केली असता या दुकानाचे मालक शिवा नाडार यांच्या टेबलाखालील प्लास्टीकच्या बादलीमध्ये ४ स्टार टॉरटॉईज या दुर्मिळ जातीची कासवं आढळली. याबाबत त्यांच्याकडे चौकशी करण्यात आली असता त्याचं समाधानकारक उत्तर न मिळाल्यानं ही कासवं जप्त करून त्यांना चौकशीसाठी ताब्यात घेण्यात आलं. स्टार टॉरटॉईज या जातीचं कासव बाळगणे हे वन्यजीव संरक्षण अधिनियमाअंतर्गत गुन्हा आहे. नाडार यांना याप्रकरणी न्यायालयीन कोठडी देण्यात आली आहे.
