political shivsena

कल्याण लोकसभा मतदार संघात १३ ते १५ ऑक्टोबर दरम्यान दिव्यांग सहाय्य शिबीर

कल्याण लोकसभा मतदार संघातील दिव्यांगांसाठी मदतीचा हात पुढे करत खासदार श्रीकांत शिंदे यांच्या पुढाकाराने १३ ते १५ ऑक्टोबर दरम्यान दिव्यांग सहाय्य शिबीर आयोजित करण्यात आले आहे. यासाठी केंद्र शासन आणि भारतीय कृत्रिम अंग निर्माण निगम, कानपूरचे विशेष सहकार्य लाभणार आहे. या शिबिरात दिव्यांग व्यक्तींना मोफत कृत्रिम अवयव आणि साधने वाटपासाठी नाव नोंदणी आणि मोजमाप घेण्यात येणार असून महिन्याभरात पुन्हा शिबीर आयोजित करून प्रत्यक्ष लाभार्थींना त्याचे वाटप करण्यात येणार आहे. यामध्ये कृत्रिम हात, पाय तसेच व्हील चेअर्स, तीन चाकी स्वयंचलीत सायकल्स, बायसिकल्स, कानाचे मशीन्स, अंधांसाठी ब्रेल लिपी मशीन्स आदींचा समावेश असणार आहे. या शिबिराचा शुभारंभ पालकमंत्री एकनाथ शिंदे यांच्या हस्ते अंबरनाथ येथे होणार असून कल्याण लोकसभा मतदार संघात तीन दिवसात ६ ठिकाणी हे शिबीर होणार आहे. १३ ऑक्टोबरला अंबरनाथ पश्चिम येथील स्टार बँक्वेट हॉल, बिग सिनेमा, कल्याण-बदलापूर रोड येथे आणि उल्हासनगर क्र. ४ येथे होणार आहे. १४ ऑक्टोबरला  डोंबिवली पूर्वतील ठाकूर हॉल आणि कल्याण पूर्व येथील कर्पे हॉल येथे होणार आहे. १५ ऑक्टोबरला कल्याण ग्रामीण येथे खिडकाळेश्वर मंदिर सभागृह आणि कळवा-मुंब्रा येथील झमझम हॉल येथे या शिबिराचं आयोजन करण्यात आलं आहे. या शिबिरासाठी अपंगत्वाचा दाखला, आधार कार्ड ४ पासपोर्ट साइज छायाचित्रे आणि उत्पन्नाचा दाखला ही कागदपत्रे आवश्यक आहेत. या शिबिरात अधिकाधिक दिव्यांग व्यक्तींनी आपला सहभाग नोंदवून याचा मोठ्या प्रमाणात लाभ घ्यावा तसेच या शिबिरामध्ये सहभागी होण्यासाठी अंबरनाथ, कल्याण, उल्हासनगर, डोंबिवली, कल्याण ग्रामीण, कळवा, मुंब्रा, दिवा येथील शिवसेनेच्या शाखांमध्ये नोंदणी करण्याचे आवाहन श्रीकांत शिंदे यांनी केले आहे.

Leave a Reply

Your email address will not be published. Required fields are marked *